Kjarri og Bára blogga

Sæll öll,

 takk fyrir kveðjurnar síðustu vikurnar. Það á ekki af manni að ganga ha? En dvölin á Reykjalundi gerði mér gott, auðvitað hlaut að koma að þessu, ég veit það vel. Og eins og Kjarri sagði, nú var bara að duga eða drepast!! Ég hef misst núna yfir 20 kg og krakkarnir koma tilbaka á morgun. Gugga, ég veit þú mundir eftir að vökva plönturnar en það var ALGJÖR óþarfi að þrífa allt og skreyta! Ég hélt ég væri komin til Spánar svei mér þá!! Allir bakkarnir uppi á vegg með myndum af spáni og benidorm og ég veit ekki hvað og hvað og hvað...Uppáhaldið mitt er babúskan með tómatsósuhaldaranum. Gugga þú ert snillingur!!

Núna ætla ég að koma mér að verki og taka til í fataskápnum!! Það er allt stórt þannig að þið bollurnar mínar sem eruð í fatanauð, komiði upp í efra!!

 kveðjur frá Báru mjóu og sætu : )))

Ég hef verið spurð að því í dag af mörgum, sem þekkja mig og mörgum sem þekkja mig minna afhverju ég sé með Kjarra. Ég veit að það er erfitt fyrir lesendur að trúa því en hann á alveg sínar góðu hliðar, það vita einhverjir, eins og mamma hans. Að leggja það á sig að kaupa 200 eða svo jólagjafir og fela þær, spila tölvuleiki með Viktor litla Úgand og fara út með ruslið er ekkert sjálfsagt. Stundum kemur hann heim með gjafir handa mér. Ég gleymi því aldrei þegar hann kom heim með vekjaraklukkuna, hann sagði að hún væri svo ég færi einhvern tímann á fætur, en hún var fallega innpökkuð og með fallegu korti. Vitiði það, stundum skiptir ekki máli hvað hlutirnir kosta heldur hugsunin á bak við þá. Ég vissi það í þriðja skiptið þegar ég rakst á Kjarra í röðinni í féló að þetta var sko engin tilviljun.

Og nú erum við stelpurnar bara á leiðinni til Glasgow hvorki meira né minna. Þetta er bara toppurinn á tilverunni held ég, ha?

Þetta gæti varla verið betra!  Þó mér þyki alveg vænt um Báru sko þá er alveg næs að vera laus við hana heila helgi... og ekki er verra að beljan hún Gugga fari með henni!!!

Skessurnar eru sem sagt á leiðinni til Glasgow í helgarferð og ég verð einn í íbúðinni alla helgina! Mamma hennar Báru ætlar að passa krakkana (hún hafði nú ekki mikið að segja um það hehe) Geiri ætlar að kíkja og við ætlum að fara á fyllerí!

Merkilegt hvað það er  langt síðan maður hefur dottið almennilega í það! Maður er náttúrulega alltaf með krakkana og eftir að Bára fór á þetta Dale Carnegie námskeið (fokking peningaplokk) er hún farin að þola ekki áfengi!

Allavega þá verður alt gert vitlaust á Glaumbar og Kaffi Amsterdam um helgina hehe.

Svo verður maður að nýta svona utanlandsferðir hehe. Bára þarf að kaupa nýjan örbylgjuofn þar sem gamli ofninn sem við fengum hjá Guggu er fokking drasl! Allur matur er við suðumark að utan en gaddfreðinn að innan (takk fyrir ekkert Gugga).
Svo þarf að kaupa almennilegan mat handa Viktori (hundinum sko hehe) 5 pakka af Þessu hérna þarf sem sagt að kaupa, ekkert er nógu gott fyrir hundinn hehe.

Jæja, nenni ekki að skrifa meira, er orðinn stirður í puttunum... ég ætla að fara út með hundinn og fokka í köttunum hennar Guggu!

Kjarri. 

Fyrst að Bára bloggaði hérna um daginn verð ég nú að láta aðeins í mér heyra hehe. Ég er búinn að vera að þjálfa Viktor alla helgina, kenna honum að vera grimmur og svona þannig að ég er lítið búinn að vera heima. Þegar ég kom heim áðan samt þá angaði öll íbúðin af reyk og einhver steikingarfýla yfi öllu. Þá stóð Bára í eldhúsinu með svuntuna og var að baka eitthvað helvítis arabískt brauð! Ég hélt að hún væri orðin eitthvað vangefin því að Bára er ekki beint sú klárasta í eldhúsinu hehe.

Hún leyfði okkur svo að smakka brauðið sem var reyndar skítsæmilegt á bragðið, en svo fattaði ég að þetta átti að vera kvöldmaturinn... ha! Eitthvað helvítis brauð og ekkert kjöt! Ég sagði náttúrulega glætan og fór með Bóas Bjarka og Viktor (hundinn sko hehe) á macdonalds.