Flutningar framundan!!

Sæl veriði,

það hefur nú ekki gefist mikill friður til að blogga hérna í sumar enda sitthvað gengið á hérna á heimilinu sem verður ekki farið nánar út í. Gugga mín, þú veist ekki hvað Viktor Úgand var glaður eftir ferðina ykkar í Eden. Kjarri stígur auðvitað ekki fæti út fyrir Breiðholtið þessa dagana eftir kompásþáttinn í vor en það þýðir samt ekki það að börnin þurfi líka að húka inni og spila gameboy eða hvað þetta nú allt heitir sem hann er með tengt við sjónvarpið. Þetta er eins og frumskógur af snúrum og tækjum orðið þarna í horninu hans Kjarra. Ég sver það ég var næstum dottin um daginn þegar ég var að klöngrast þetta með ryksuguna. Annars gengur óléttan svona sæmilega ef væri ekki fyrir þessar endalausu vaktir og vökur. Kjarri er samt búinn að lofa að gefa mér nýjan kodda ef ég held þetta út til jóla, eins gott því barnið á að fæðast á aðfangadag. Við fáum vonandi nýja íbúð fyrir fæðinguna og þeir hjá félagsbústöðum fundu meira að segja eina í stigagangnum hjá þér Gugga! Sjáum til hvort ég komi Kjarra út úr húsi að kíkja á hana. En það gengur auðvitað ekki að sofa í stofunni endalaust. Sérstaklega ekki með allar þessar snúrir og drasl.

Takk fyrir hjálpina með Kjarra í sumar elsku Gugga og þið hin, við hefðum ekki getað þetta án ykkar.

Bára.