Klassadagur!

Djöfull átti ég góðan dag í gær maður! Ertu ekki að grínast félagi... Bára hafði skilið eftir pening heima áður en hún lúskraðist í vinnuna (hún vinnur allt of mikið... fræðilegur að ég myndi nenna þessu hehe) til þess að ég gæti farið að versla í matinn. Hún hafði líka skilið eftir einhvern innkaupalista sem var uppfullur af einhverju drasli sem ég myndi aldrei láta inn fyrir mínar varir (speltbrauð, hummus... hvað í andskotanum er það eiginlega???).

Ég þurfti að vesenast aðeins meira yfir daginn en nennti engan veginn að standa í því einn, þannig að ég náði í Bóas Bjarka úr skólanum, sagði við kennaraherfuna að Bóas myndi læra í skóla lífsins í dag. Ég hef nebbninlega gaman af litla kallinum, hann er hvítur á hörund og eiginlega alveg snoðklipptur, svona átta ára terroristi sem á framtíðina fyrir sér.

Við byrjuðum að versla í matinn og ég sagði Bóasi að henda bara í körfuna því sem hann langaði í, ekki fræðilegur að ég myndi fylla ísskápinn af einhverju hráfæðisdrasli hehe.

Eftir verslunarferðina þurfti ég að koma við hjá manni í vesturbænum sem skuldaði mér pening, og ákvað að taka Baldur með mér inn til að sýna honum hvernig ætti að díla við fólk sem borgaði ekki sínar skuldir hehe. Ég var með teiserinn með mér til öryggis en svo þurfti ég ekki einu sinni að nota hann hehe. Það var nóg að banka aðeins í gæjann og þá vældi hann og ég fór út með sjónvarpið hans og glænýja XBOX tölvu.

Svo var haldið heim og slegið upp veislu, eldaði nautasteik með bernesósu fyrir mig og Bóas litla og svo vorum við í two-player í Halo 3 fram eftir degi, djöfulsins klassaleikur er það maður. Bára kom heim klukkan níu um kvöldið alveg drullluþreytt. Hún vældi eitthvað yfir að ég hefði ekki keypt það sem hana langaði í en ég lét hana náttúrulega bara heyra það, sagði að hún og Solla á grænum kosti gætu bara eldað sína hnetusteik á einhverju samyrkjubúinu, í mínum ísskáp væri bara gúdd-sjitt matur á boðstólnum hehe. 

En djöfull er ég farinn aftur að sofa, veit ekki hvað ég var að spá að vakna svona snemma! 

Kjarri 

Athugasemdir

[Gugga (IP-tala skráð) 28.11.2007 kl. 13:40]

Bára mín, hann Kjarri gekk líka í skóal lífsins, þú veist að ef börnin, tala nú ekki um litla Viktor Úgand, fara sömu leið. Ja, þá er ekki snúið við. Svo auðvellega. Snót kom með 6! litla bengala í morgun. Þessar elskur kúra hér í lazyboynum. Ætla aðeins að leggja mig með þeim.

[Bára (IP-tala skráð) 28.11.2007 kl. 18:06]

Gugga mín, ég veit allt um skóla lífsins, og þú líka, ha? En ekki trúa öllu sem Kjarri bullar, hann sagði við mig áðan að hann væri að ýkja þessar sögur sínar viljandi til að sjá hvað hvað það tekur féló langan tíma að heimsækja okkur aftur, en ég hef sko ekki áhuga á að lenda í því og alls ekki fyrir jólin. En maður verður víst að versla sjálfur í matinn ef ég á að geta borðað eitthvað sem ég er ekki með ofnæmi fyrir. Og til hamingju með kisurnar sex, þær lenda vonandi ekki í óhappi eins og þegar þær drápust allar í fyrra. Passaðu nú betur upp á þessar, ha?

[Geiri (IP-tala skráð) 30.11.2007 kl. 13:48]

Sjitt, ég var búin að skriffa eithvað megadæmi hérna en klikkaði á fokking rusl ruslpóstvörninni. 19+3 =21 hehe.

En Kjarri drullastu til að kveikja á símanum. Það er bisness klukkann 5. Ekki gleyma því! S**** verður allveg kreisí ef þú klikkar aftur.

OG gleymdu teisernum, það er bara fyrir tzjelllingar 

[Bára (IP-tala skráð) 30.11.2007 kl. 18:42]

Geiri minn, Bára hér. Hann Kjarri hefur ekki sést síðan í fyrradag þegar þeir Viktor Úgand rifust um playstation. Kjarri gekk út með sjónvarpið með sér takk fyrir. Ef þú heyrir í honum í kvöld þá er ég á næturvakt og hann var búinn að lofa að passa.